Ekspresi narsis-ku

Gambar: www.pikiran-rakyat.com

Ku Ajip Rosidi

Dina alam féodal, rahayat leutik mah henteu meunang mikir bébas. Ngan diwenangkeun nurut kana sagala kapalay nu keur jeneng. Disebut kawula, gawénan ngan kudu ngawulaan kaom ménak. Ulah pon harta banda dalah nyawa ogé apan kagungan gusti, henteu meunang dikorétkeun lamun dipundut ku ménak. Kacapangan “hurip abdi waras gusti”, dihartikeun abdi hurip téh keur kaperluan gusti sangkan waras.
Jiwa feodal geus sumarambah kana jiwa urang Sunda mangabad-abad lilana, nya éta ti barang urang Sunda dijajah ku Mataram sarta para bupatina kudu dialajar kabudayaan Jawa. Pikeun ngabéda-bédakeun harkat manusa sacara sosial basa Sunda anu tadina égalitér ogé dirobah jadi maké undak usuk. (more…)

1. Disebut sakali hirup, disebut dua kali paeh.
2. Digegel buntutna, beak huluna.
3. Hiber lain ku jangjang, balik lain ku suku.
4. Imah leutik pinuh ku suluh.
5. Ka hilir ka girang mamawa gunting.
6. Ka hilir ka girang nyunyuhun imah.
7. Kuli naon nu matak ni’mat?
8. Unggal diasupkeun kaluar deui.
9. Unggal dipeuncit nyambung deui.
10. Beuki dieusian beuki hampang.
11. Bisa naek teu bisa turun.
12. Boga awak teu boga hulu
13. Dilahun ceurik, ari teu dilahun repeh.
14. Kulit naon nu bisa nutupan alam dunya?
15. Kuya naon anu bisa ngapung?
16. Lamun ngadenge sora bedil, dorna di mana?
17. Ngabaris lain tentara, ngajejer lain pasukan, haseup ngebul ka mana-mana.
18. Suku hayam mun diparekoskeun jadi angka naon?
19. Tangkalna di gunung, daunna dina cai.
20. Rancung lain landak, hejo lain tentara.
21. Naon sababna jarum jam tuluy nguriling?
22. Naon sasaruaanana endog asin jeung KTP?
23. Saha nu unggal poe jadi korban pemerasan?
24. Tukang naon mun dititah dahar sok naek ka luhur?
25. Leutik, bodas, kakalayangan dina mega.

Gambar: www.globalsecurity.org, bluestarchronicles.com.www.internet-general.info, www.petroleumword.com

“Anu dipikasieun ku dunya Barat lain kamampuh Iran ngahasilkeun bom nuklir, sabab keur jaman kiwari bom saperti kitu mah taya gunana, tapi anu saestuna dipikahariwang ku maranehna nyaeta kamandirian jeung pangaweruh sarta kamajuan nonoman Iran di widang nuklir.”

Gambar: id.wikipedia.org

Nalika wujud salira maya
angin ririh ngahiliwir
angin puyuh gegelebugan
aya nu kapati-pati
implengan ngaréka-réka
panutan sarwa sampurna

Basa anjeun kalan-kalan némbongan
balébat kokolébatan
ngan saséor hujan silantang
aya nu midangdam
da wangwangan teuing ku yakin
pupujaning ati téh nu keur dipilari

Cunduk waktu wujud anjeun nampeu hareupeun
raga nyata léah manah
lain kukupu nu ngageleber hésé néwakna
lain katumbiri nu boa iraha kawénéhanana
hate kalah nganaha-naha
kaduhung tepung
migandrung sotéh mun anjeun teu sumping-sumping
hanjakal tepang
mitineung sotéh mun anjeun ngawujud kalangkang