Ekspresi narsis-ku

Deudeuh teuing sawah kuring
bangun nu ngahurun balung
bingung dibarung ku linglung

Sawah siga nu marudah
pare teu daekkeun gede
pundung taya nu malire (more…)

(Popon Saadah)

Raga nyangsaya na ranjang kalewang
ditilaman seprè simpè
disimbut ku rasa keueung
dibantalan sumorèang

Wirahma lèngkah nu laleumpang dina lulurung
èstu bareng jeung ketug jajantung
lir keur mirig rènghap napas
ngèngklokan nu humarurung

Antara nyanyautan jeung gulinggasahan
di rohang nu pangeusina teu leuwih ti saurang
tingkolèbat narèmbongan jirim nu keur padungdengan

Ceuk hiji jirim: “Lir dalitna ringkang jeung kalangkang, hirup jeung maot ukur kahalangan ku rèrègan mangsa jeung lalangsè waktu nu transparan.”

Dijawab ku jirim nu hiji deui: “Datang ka pawenangan saurang-saurang, mulang ka kalanggengan, ogè saurang-saurang.”

Ku Dian Héndrayana

Ka mana jalan ka bulan
tempat linduk geusan ngancik
pangbeberah keur bumetah
geuning mana bangun tingtrim
ku hayang tiis pikir
jauh jeung sarwa pakéwuh
hanjakal teu kadongkang
diajulan samar tepi
horéng bulan bet anggang tina ciciptan.

Tuduhkeun jalan ka bulan
najan rembet rék disungsi
bahla gé da rék disorang
hamo gimir moal mingsir
kapalang séba diri
masrahkeun badan sakujur
cumah betah di dunya
dinyenyeri dipeupeurih
geuning bulan puguh asa beuki anggang

Anteurkeun kuring ka bulan
sina deukeut reujeung langit
sina dalit reujeung béntang
meureun tingtrim ieu ati
anggang tina berewit
moal panggih jeung bangbaluh
puguh genah sorangan
sok kajeun kedah nunggelis
itu bulan kalah nyingkah ngajauhan

Tina Cupumanik, No 7

Dina beus ka Cianjurkeun
longkéwang
aya nu tinggaleun
nu teu weléh ngalangkang
unggal miang
…

Gambar: indonesian.cri.cn

Karya Sayudi

Anak : Ema naon eusi langit
jeung di mana tungtung langit
katut bentang nu baranang

Indung : Teu jauh ti dada ema
eusina napas jeung getih
bentang teu jauh ti ujang

Anak : Ema saha nu boga lngit
jeung bentang nu baranang
saha nu boga bulan
katut beurang jeung peutingna

Indung : Kapan sagala nu ujang
paeh hirup anu ujang

Bismillah damel wiwitan
mugi Gusti nangtayungan
ka Asép nu disepitan
mugia kasalametan

Salamet Asép ayeuna
ayeuna atos laksana
nyumponan kana jangjina
jangji kaislamanana

Islam ngabogaan ciri
cirina tara pahili
omat ulah badé lali
paréntah anu ti Gusti

Gusti méré tuduh jalan
dina alam pawenangan
ulah osok kajongjonan
ku Asép gancang téangan

Téangan eusi dunyana
lamun Asép tos sawawa
ulah sok sakaba-kaba
kudu ngagugu ka Bapa
(more…)

Gambar: id.wikipedia.org

Nalika wujud salira maya
angin ririh ngahiliwir
angin puyuh gegelebugan
aya nu kapati-pati
implengan ngaréka-réka
panutan sarwa sampurna

Basa anjeun kalan-kalan némbongan
balébat kokolébatan
ngan saséor hujan silantang
aya nu midangdam
da wangwangan teuing ku yakin
pupujaning ati téh nu keur dipilari

Cunduk waktu wujud anjeun nampeu hareupeun
raga nyata léah manah
lain kukupu nu ngageleber hésé néwakna
lain katumbiri nu boa iraha kawénéhanana
hate kalah nganaha-naha
kaduhung tepung
migandrung sotéh mun anjeun teu sumping-sumping
hanjakal tepang
mitineung sotéh mun anjeun ngawujud kalangkang

Nalika hate teu merean anjeun mikaheman nu lian
Ulah nanya naon nu jadi lantaran
Jawabanana teu kapaluruh najan ku diri sorangan

Galih jeung rasa teh tatarucingan
Sakapeung teu perlu diteguh
Eusina aya na ati sanubari sewang-sewangan

Geura ragap hate anjeun ku rasa anjeun
Sugan karampa eusina
Kateuleuman jerona
Kaharti gerentesna hate nu ieu
Nu hieum ku kakayon
Nu buni ku lalangse…lungse
Teu rengse-rengse
Ngabandungan anjeun ngalalakon
Dina layar rubak dunya implengan
Sukan-sukan

: Kepada Seorang Minang di Airmolek

Kau dan aku adalah roh
bergentayangan kala ingin berkencan
dalam sekejap sekat-sekat itu lenyap
dinding-dinding penghalang hilang
tembok-tembok kokoh roboh
ditembus sosok kita dalam mabuk kepayang dan asyik berseloroh
hasrat mengalir dahsyat
di antara peluk mesra dan desahan nafas
hingga kegelisahan memuncak

Tapi amatlah disayangkan
semuanya tak lebih lambat dari cahaya kilat
cumbu rayumu harus segera berakhir
untuk kembali berpikir ke titik nadir
bahwa kau dan aku adalah roh terkurung raga yang senyatanya hadir
terpagar ruang terbelenggu waktu
terpisah jarak
terpenjara norma
dan kau pun lebih tahu
aku terikat erat rantai mahligai perkawinan
dengan orang lain

Juni Biru, 2006.

Nepangkeun
abdi ti nagara nyata
dunya jirim alam bungkeuleukan
ngalanglang rohang-rohang cyber
hiber ti folder ka folder

Dupi salira teh saha?
kawit ti wewengkon mana?
sabaraha taun atuh yuswana?

Manawi kersa
nyarengan diri abeng-abengan
nyorang sagara implengan
nu meh sarimbag jeung sagara dunya impian
umpal-umpalan

Manawi kersa
nutur-nutur lalampahan nu teu angger
antara leumpeuh yuni jeung hate pangger
bari ngararasakeun genjlongna parahu dina ombak nu keur motah
sok inggis teu kaduga deui ngulinkeun pangwelah
tagiwur paur tigejebur
teu kalis ku aya batur

Sakapeung kamalinaan
manggih karesep kajongjonan
diayun ambing lambak-lambak pitapak
matak poho balik

Teu apal jalan mulang ka sarakan
teu manggih panto kaluar-kaluarna acan
teu kalis aya nu marengan

Horeng
boh abdi boh salira
di nu realita di nu maya
sami-sami mahluk sarwa katuna